KÜRDƏMİRƏ XOŞ GƏLMİSİNİZ!

Hidayət: Özümüü yazmaq istəyirəm./red.S.Nəzərli.-B.,”Apostroff”MMC, 2012.-704 səh.

Tərcüməçilik fəaliyyəti görkəmli şair-dramaturq Hidayətin yaradıcılığının diqqətçəkən istiqamətlərindən biri kimi qiymətləndirilir.

Onun qələmindən çıxmış ingilis, rus,island,türk,şotland, gürcü və s. Dillərdən tərcümə etdiyi poeziya, nəsr, dram nümunələri ötən əsrin 80-90 – cı illərində ayrı – ayrı kitablar şəklində, antologiyalarda, dövrü mətbuatda işıq üzü görmüş və böyük marağ doğurmuşdur.
Bu kitabda oxucular həmin tərcümələrin bir qismi ilə toplu halında tanış olmaq imkanı qazanacaqlar.

Hidayət. Əsərləri:8 cilddə. I cild./ S.Nəzərli – B., “Apostroff” MMC, 2011.- 480 səh., şəkilli.

Görkəmli şair – dramaturq, publisist Hidayətin “Əsərləri”nin I cildində vətən, torpaq, həsrət, məhəbbət, lirik duyğulu, ictimai- siyasi tutumlu şeirləri daxil edilmişdir.

Şeirləri oxuculara mövzularına müvafiq olaraq dörd bölümdə, tarixi- xronoloji qaydada təqdim olunur.  

Hidayət. Əsərləri:8 cilddə. II cild. / S.Nəzərli – B., “ Apostroff” MMC, 2011.- 480 səh., şəkilli.

Yazıçının “Əsərləri”nin II cildinə “Doxsanıncı il”, “Həsrət” bölümlərindən ibarət “Poeziya”, “Günorta”, “Ömürdən uzun gecə”, “İrəvanda xal qalmadı” və “Tamaşadan sonra” adlı povestlərindən ibarət nəsr əsərləri, həmçinin “İrəvana 7 məktub” adlı orjinal puplisistik əsəri daxil edilmişdir.

Hidayət. Əsərləri:8 cilddə. III cild. / S.Nəzərli – B., “ Apostroff” MMC, 2011.- 480 səh., şəkilli.

Şair – dramaturq kimi tanıdığımız Hidayətin “Əsərləri”nin bu cildində beş dram əsəri- “Məhəbbət yaşayır hələ”, “Məni qınamayın”, “Bir dünyanın adamları”, “İrəvanda xal qalmadı”, “Burdan min atlı keçdi” pyesləri və ədibin teatr barədə nəzəri və praktik görüşlərini özündə əsk etdirən məqalələri daxil edilmişdir.
Bu səhnə əsərləri müxtəlif teatrlarda dəfələrlə tamaşaya qoyulmuş və ictimaiyyət tərəfindən rəğbətlə qarşılanmışdır.

Hidayət. Əsərləri: 8 cilddə. IV cild. / S.Nəzərli – B., “ Apostroff” MMC, 2011.- 480 səh., şəkilli.

Yazıçının bu cildə daxil edilmiş “Burdan min atlı keçdi” əsərində tarixən əzəli türk torpaqları olmuş Qərbi Azərbaycanda (indiki Ermənistan) azərbaycanlı türklərin yaşadığı ictimai-siyasi şərait, ədəbi- mədəni mühit, İrəvan Dövlət Azxərbaycan Dram Teatrının fəaliyyəti, görkəmli azərbaycanlı ictimai və dövlət xadimlərinin həyatı, bütövlükdə soydaşlarımızın on illər boyu məkrli erməni siyasətinə qarşı apardıqları mərd və mətin mübarizə qələmə alınmışdır.

Hidayət .Əsərləri :8 cilddə. V cild. / S.Nəzərli – B., “ Apostroff” MMC, 2011.- 536 səh., şəkilli.

Bu cildin  adı - “Sözün vaxtı” təsadüfi  seçilməyibdir. Həqiqətən, ötən əsrin 80-90-ci illərində Ermənistanın Azərbaycana hərbi təcavüzünü qanlı - qadalı günlərində respublikamızın sayılıb seçilən ziyalıları, dövlət xadimləri, sənətkarları arasında Hidayətin publisistikası öz kəsəri, sərtliyi və mübarizliyi ilə başqalarından kəskin fərqlənirdi. O, sözünün vaxtını da, vaxtın, zamanın sözünü də məqamında zərgər dəqiqliyi ilə seçə bilirdi.
Cilddə verilmiş bütün yazılarda – məqalələrdə, müsahibələrdə, söhbətlərdə, hətta epistolyar materiallarda belə bu xüsusiyyət özünü qabarıq göstərir.

Hidayət O. “Əsərləri” (8 cilddə), VI cild./ - B., “Apostroff” MMC, 2011,- 464 səh., şəkilli.

Yazıçının əsərlərinin VI cildinə sırf publisistik əsərləri daxil edilmişdir və onlar üç iri –“Millət... Dövlət... Cəmiyyət”, ”Şəxsiyyət” və “Unudulmaz insanlar”  adlı bölümlərdə təqdim olunur. Birinci bölümdə Ulu Öndərimiz Heydər Əliyevin milli siyasət sahəsindəki gərgin fəaliyyəti monoqrafik şəkildə öz geniş elmi- publisistik şərhini tapıb. İkinci və üçüncü bölümlərdə isə əsasən XX əsrdə yaşayıb- yaratmış böyük şəxsiyyətlər və yaradıcı insanlar barədə bir – birindən maraqlı portret oçerklər verilmişdir.
Xüsusilə qeyd edilməlidir ki, buradakı əsərlərin, demək olar, hamısı bilavasitə müəllifin şəxsi müşahidələri əsasında qələmə alınmışdır.

Hidayət O.”Əsərləri” (8 cilddə), VII cild./red. E.Cabbarov.-  B., “Apostroff” MMC, 2012.- 472 səh.,şəkilli.

            Bu cild bütövlükdə dövlət, millət və din münasibətlərinə həsr olunub. Burada yazıçının müxtəlif mətbuat orqanlarında dərc olunmuş publisistik məqalələri, müsahibələri, söhbətləri, həmçinin xidməti vəzifəsi ilə əlaqədar bir sıra ölkədaxili və beynəlxalq tədbirlərdə - konfranslarda, simpoziunlarda, rəsmi görüşlərdə və “dəyirmi masa”larda etdiyi məruzə və çıxışları verilmişdir.

Hidayət O.”Əsərləri” (8 cilddə), VIII cild./redaktorlar G.İsmayılov, C.Bayramov, E.Cabbarov – B.,“Apostroff” MMC, 2012.-408 səh., şəkilli.

Görkəmli qələm sahibi Hidayətin “Azərbaycanda din: ən qədim dövrdən bu günədək” adlı belə bir samballı əsəri araya- ərsəyə gətirməsi heç də təəsadüfi deyil. Çünki, onun dövlət xadimi kimi uzun illər daşıdığı məsul vəzifələr bilavasitə din sahəsi ilə bağlı olmuşdur. Bu əsər Azərbaycan dinşünaslığında dinlərin tarixini bütövlükdə özündə əks etdirən ilk fundamental monoqrafiyadır.Monoqrafiyaya tarixi – dini məbədlər barədə məlumatlar da daxil edilmişdir.

Hacıbəyli Üzeyir bəy. Bayrağımız sarsılmaz / red. P.Kərimov; rəy. A.Paşayev, A.Tahirli - Bakı : Avrasiya Press, 2011. - 428 s. ; 22 sm.

Kitabın bu nəşrinə isə Üzeyir bəyin indiyə qədər çap olunmamış, günümüzlə səsləşən yeni felyetonları, publisistik yazıları və məktubları daxil edilmişdir.

 

Sadıqova S. Abuzər Xələfov: Biblioqrafik məlumat kitabı / tərt. S.A Sadıqova ; red.: L.A Məmmədova, K.M Tahirov. - Bakı : Nağıl evi, 2011. - 342 s. ; 22 sm.
Bu kitab tarix elmləri doktoru, professor Abuzər Alı oğlu Xələfovun həyat və yaradıcılığı, elmi-pedaqoji və ictimai fəaliyyətinə həsr olunmuşdur. Biblioqrafik məlumat kitabı Abuzər Xələfovun yaradıcılığı və kitabxanaşünaslıq elmi ilə maraqlanan mütəxəssislər, mədəniyyət işçiləri, kitabxanaçılar, müəllim və tələbələr üçün nəzərdə tutulmuşdur. Kitabda məlumatlar azərbaycan, rus və ingilis dillərində verilmişdir.

Biçer-Stou  H . Tom Dayının  daxması. Roman./red.G.Mehdiyeva-B., “ Apostroff “  MMC, 2012.- 480 səh.
Düz 20 il bundan əvvəl “Çənclik” nəşriyyatı görkəmli  şair- dramaturq Hidayətin  tərcüməsində  məşhur  Amerika  yazıçısı  Harriyet Biçer-Stounun dünya şöhrətli  bu romanını  ilk  dəfə  olaraq  Azərbaycan  dilində  kütləvi tirajla oxuculara   təqdim  etmişdi.
Əsərdə qüdrətli Amerika  ölkəsində  köləlik  sistemi, irqçilik,  bunların insanların  psixologiyasına,  intellektinə  vurduğu  pozucu  təsirlər, zəngin  mənəviyyatlı    zəncilərin  ağlasığmaz  məhrumiyyətləri  ustalıqla  qələmə alınmışdır. Romanı yenldən  nəşr  etmək  zərurəti  geniş  oxucu  kütlələrinin  səngimək bilməyən  marağından  yaranmışdır.

Mirzə Ələkbər Sabir-150: biblioqrafiya /tərt.ed.:M.Həsənova, G.Misirova; -B., M.F.Axundov adına Azərbaycan Milli Kitabxanası, 2012.-384 səh.

“Mirzə Ələkbər Sabir-150” biblioqrafiyası Azərbaycan Respublikası Mədəniyyət və Turizm Nazirliyi və M.F.Axundov adına Azərbaycan Milli Kitabxana tərəfindən şairin yubileyinə  töhfə olaraq hazırlanmışdır. Vəsait şairin 1903-2012- ci illərdə nəşr olunan əsərlərini, eyni zamanda həyat və fəaliyyəti haqqında yazılan materialları əhatə edir.    
    

 Alıyev Vaqif.  Xocalı göyərçinləri./red G.Xudiyeva – B., “ELEFANT POLYGRAPHY”, 2011.-76 səh.

Xocalı faciəsinə həsr edilmiş bu kitab Kürdəmirdə məskunlaşan Xocalıdan olan bir ailənin - Qaratel ananın ailəsinin xatirələri əsasında yazılmışdır.

Vətənpərvərlik ruhunda yazılan bu kitab geniş oxucu kütləsi üçün nəzərdə tutulmuşdur.

 


Hüseyn Fərid. 300-dən sonrakı azərbaycanlılar. /red.A.Cəbrayıllı.-B., 2011, Qanun.- 128 səh.

“300-dən sonrakı azərbaycanlılar” kitabı görkəmli alim, yazıçı Kamal Abdullanın “300 Azərbaycanlı” adlı esselər kitabının davamı kimiyazılıb.

Kitabda kino, sənət, ədəbiyyat və həyat haqqında bu günə qədər rast gəlmədiyimiz fərqli baxış, münasibət və paradoksal düşüncələrin təzahürünü görəcəksiniz.




 Qəniyev Seyfəddin. Şirvanlı aşıq Ağalar. / red.Q.Namazov.- B., “Elm və Təhsil”  2011. - 176 səh.

Kitabda Şirvan aşıq mühitinin ünlü sənətkarı Aşıq Mirzə Bilalın oğlu Aşıq Ağaların ömür yoluna iki dəfə işıq tutulmuş yaradıcılığı təhlil olunmuşdur.

Bununla yanaşı, kitaba aşığın şeirlərinin böyük qismi, bağladığı dastanlardan biri, eləcə də sənətkar haqqında yazılanlar və xatirələrdən nümunələr daxil edilmişdir.

KİTABXANAMIZIN MULTİMEDİA NƏŞRLƏRİ

	1. Mir Cəlal yaradıcılığında vətən sevgisi:konfransın materialları./red. T.Həmid.-B.:Çaşoğlu, 2008.-disk(CD-ROM).- 208səh. Kitabda 2008 – ci ildə Şəmkir, Gədəbəy, Qazax rayonlarında keçirilən “Mir Cəlal yaradıcılığında vətən sevgisi” konfranslarının materialları toplanmışdır. Bu yazılarda Azərbaycan yazıçısının mənalı ömrü, onun bədii, elmi, pedaqoji xidmətləri geniş şəkildə araşdırılmışdır. Həyatının və ömrünün bütün zamanlarını millətinə və xalqına sərf etmiş görkəmli ziyalının qüdrətli qələmindən çıxmış əsərlər fonunda yazıçının vətən sevgisi, insanlara olan sonsuz məhəbbəti xarakterizə edilir.
	2. Kərimzadə Fərman. Xudafərin körpüsü.Roman /ön söz və red.N.Cəfərov.-B.:Çaşoğlu, 2007.- disk(CD-ROM). -328səh. Tarixi romanlar ustası Fərman Kərimzadənin “Xudafərin korpüsü” romanında XV əsrin axırı XVI əsrin əvvəllərində baş vermiş tarixi hadisələr, Şah İsmayıl Xətainin uşaqlıq və gənclik illəri, hakimiyyət uğrundakı mübarizəsi qələmə alınmışdır.
	3. Voyniç E.T.Ovod /red.Ə.Ouliyev.- B.:Çaşoğlu,2002.- disk(CD-ROM).-232səh.  İngilis ədibi E.L.Voyniçin öz həmvətənləri tərəfindən çox adi qarşılanan “Ovod” romanında təsvir olunan hadisələr XIX əsrin 30-40-cı illərində italyanların Avstriya imperiyası ağalığına qarşı qəhrəmanlıq üsyanı fonunda baş verir.Əsərin qəhrəmanı “Ovod” ləqəbi ilə tanınan gənc Artur İtaliya xalqının Avstriya zülmkarlarından qurtuması uğrunda inadlı mübarizə aparır. Azadlıq naminə vuruşlarda bərkişən və şəxsiyyət kimi yetişən bu təmiz qəlbli tələbə zalımlara qarşı amansız çarpışan, yenilməz ruhlu Feliçe Rivaresə çevrilir.
	4 .Anar. Seçilmiş əsərləri./red.Ə.Quliyev.- B.: Çaşoğlu,2004.- disk(CD-ROM).- 488səh. Xalq yazıçısı Anarın bu kitabına “ Ağ liman”, “ Beşmərtəbəli evin altıncı mərtəbəsi” və “Ağ qoç , qara qoç” əsərləri daxildir. “ Ağ liman” povestində əxlaqi problemlər qaldırılır, insanın həyatda öz yerini tapa bilməsi və dolğun və  məzmunlu ömür sürməsindən bəhs olunur. “ Beşmərtəbəli evin altıncı mərtəbəsi” pomanı bir növ “ Ağ liman”ın davamı kimi düşünülsə də əslində müstəqil əsərdir.Bu romanın da mərkəzində “Ağ liman”dan tanıdığımız Təhminə və Zaur dayanırlar. “Ağ qoç , qara qoç” əsərində isə müəllif xəyallarında gerçəkləşdirdiyi Azərbaycanın gələcək taleyini iki fərqli yöndə, bir – birindən əks qütblərdə dayanan qatlarda təsvir etmişdir. Oxuculara təqdim olunan bu kitab Anarın təqribən 45 illik ədəbi-ensiklopedik fəaliyyətinin bir qismini əks etdirir.
	5. Müşfiq Mikayıl.Seçilmiş əsərləri./red. Ə.Quliyev.- B.: Çaşoğlu,2005.- disk(CD-ROM).- 240səh. Mikayıl Müşfiq ədəbiyyat tariximizdə də, xalqımızın yaddaşında da, hamımızın qəlbində də otuz yaşlı çılğın, romantik, xəyallar dünyasında qanadlanan bir gənc kimi qalacaq. Ömrümüzün hər çağında alovlu şairin büllur kimi saf, axıcı misralarını xatırlayacaq, nəğmələrini dinləyəcəyik, amma içəri dünyamızda daima onun tükürpədici harayını da eşidəcəyik. Unudulmaz şairimizin seçmə əsərlərindən ibarət olan bu kitabda müxtəlif illərin şeirləri,poemaları, eləcə də uşaqlar üçün seir və mənzum nağılları toplanmışdır.
	6. Rid Mayn.Başsız Atlı.roman./red. Ə.Quliyev, tərc. ed. C.Məcnunbəyov- B.: Çaşoğlu, 2004.- disk(CD-ROM).- 328səh. Məşhur irland yazıçısı, məcara romanlarının bənzərsiz ustası  Mayn Rid (1818-1883) özü də məcara və təhlükələrlə dolu həyat yaşamışdır. Onun romanları bu gün də dünyanın onlarca ölkəsində sevilə-sevilə oxunur.
	7. Axundov Suleyman Sani. Seçilmiş əsərləri./red. Ə.Quliyev.- B.: Çaşoğlu, 2006.- disk(CD-ROM).- 456səh. S.S.Axundovun bədii əsərlərində, vətəndaşlıq əməlləri ilə zəngin olan ictimai həyatında işıqlı fikirlərin təsdiqi , xeyirxah əməllərin təbliği onun başlıca yaradıcılıq idealları kimi meydana çıxmışdır. Həyatdakı fənalıq və eybəcərliklərə qarşı mübarizədə təmiz fikirlərin, saf və xeyirxah hisslərin ziyasını təsirli mənəvi vasitə hesab edən yazıçının nəsr əsərlərinin çoxusunda , eləcə də səhnə əsərlərində bir-biri ilə daim mübarizə edən və rəmzi şəkildə mənalandıran iki qüvvə mövcuddur: qaranlıq və işıq. Bu kitabda  ədibin zəngin ədəbi     irsindən    seçmələr- müəllifin  maarifçi   idealarının təsdiqi olan  bədii nəsr  əsərləri,  pyeslər toplanmışdır.
	8. Mir Cəlal. Seçilmiş əsərləri./red. Ə.Quliyev.- B.: Çaşoğlu, 2005.- disk (CD-ROM).- 480səh. Təqdim olunan kitabda  görkəmli yazıçının  seçmə hekayələri  və “Açıq kitab” romanı toplanmışdır. İdeya bədii məqsədi, fikir qayəsi həmişə aydın və işıqlı olan müəllifin   bu hekayələrində  həyatın  dərin qatlarına enilir,  köhnəliklə  yeniliyin    mübarizəsi ,  inkişafa mane  olanları  tənqidi önə çəkilir. Kəskin tənqidi-satirik ruhu ilə seçilən və sənətkarlıq baxımından qüvvətli “Açıq kitab” romanında  dövrün əsas qüsuru kimi ”gəldiyevçilik” əsl bədii- fəlsəfi ümumiləşmə səviyyəsində ifşa olunur.
	9. Dilbazi Mirvarid. Seçilmiş əsərləri./red. Ə.Quliyev.- B.: Çaşoğlu, 2006.- disk(CD-ROM).- 288səh. Xalq şairi Mirvarid Dilbazinin bu kitabına son illərdə yazdığı şerləri və poemaları daxildir. Şerlərin əksəriyyətində və poemalarda zaman-zaman xalqımızın başına gətirilən müsibət və fəlakətlərdən söhbət açılır. Kitab 8 bölmədən ibarətdir. Hər bölmə bitkin bir poetik əhval-ruhiyyəni səciyyələndirir.
	10. Kitabi-Dədə  Qorqud: sadələşdirilmiş mətn./red. Ə.Quliyev. - B.: Çaşoğlu, 2004.- disk(CD-ROM).- 144səh. Qədim söz sənətimizi şöhrətləndirən böyük insanpərvərlik duyğuları, mənəvi ucalığa, qəhrəmanlıq və mərdliyə çağıran fikirlər, yüksək bəşəri ideyalar öz başlanğıcını tükənməz Dədə Qorqud nəhrindən götürür. “Kitabi-Dədə Qorqud” dilimizin, ədəbiyyatımızın, dastan yaradıcılığımızın, ümumiyyətlə mədəniyyətimizin tarixini öyrənməkdə böyük əhəmiyyətə malikdir.
	11. Cavad Əhməd, İldırım Almas. Seçilmiş əsərləri./red. Ə.Quliyev.- B.: Çaşoğlu, 2006.- disk(CD-ROM).- 232səh. Üçrəngli poeziya bədii yaddaşa ilk öncə məhz Əhməd Cavadın qələmi ilə həkk olunmuşdur. Gerbimiz öz rəngini, himnimiz öz musiqisini, marşımız öz ritmini bu böyük  şairin poeziyasından almışdır. Milli oyanış , xalq hərəkatı, türk xalqlarının birliyinə çağırış, əski adət və inamlara, xalqın yaddaşına qayıdış kimi duyğular Əhməd Cavad şerlərinin ruhuna hopmuşdur. Bu kitabda görkəmli milli şairimizin mədrəsə şerlərindən başlamış, Birinci dünya müharibəsi, Azərbaycan Xalq Cumhuriyyəti dövrü və sonrakı illərdə qoşduğu mənzum əsərlər, o cümlədən etnoqrafik etüd və hekayələri toplanmışdır. Almas İldırımın seçilmiş əsərlərindən ibarət olan bu kitabına müəllifin milli istiqlal, azadlıq, müstəqillik uğrunda mübarizəyə həsr olumuş  şerləri toplanmışdır. Şerlərdə vətən həsrəti, tarixi keçmişimizlə bağlı poetik düşüncələr öz parlaq əksini tapmışdır.
	12. Defo, Daniel. Robinzon Kruzo. Roman ./red. Ə.Quliyev, tərc.Ə.Ağayev.- B.: Çaşoğlu, 2005.- disk(CD-ROM).- 408səh. Məşhur ingilis yazıçısı Daniel Defonun “Robinzon Kruzo” (1719) romanında adam yaşamayan adaya düşən insanın təbiət qüvvələrinə qarşı mübarizə əzmi, dözümlülüyü, yaradıcı əməyi tərənnüm olunur . Əsər  adi insanın yaradıcı fəaliyyətinin imkanlarına inam hissi aşılayan bir roman kimi  bizi məftun edir. Saysız-hesabsız oxuculara nəsilbənəsil bədii zövq vermiş “Robinzon Kruzo” öz qəribə məcaralarıyla hər yaşda oxunan kitabdır.
	13. Əfəndiyev İlyas.Seçilmiş əsərləri./red. Ə.Quliyev.- B.: Çaşoğlu, 2005.- disk(CD-ROM).- 584səh. XX əsr Azərbaycan ədəbiyyatının klassiki, bənzərsiz nəsr ustasi və dramaturq, xalq yaziçisi İlyas Əfəndiyevin ”Seçilmiş əsərləri” əlli ildən də çox bir zaman aralığında qələmə aldığı hekayələrindən az bir qismi toplanmışdır. Yazıçının hekayə janrında yaratdığı sanballı nümunələr daim oxucu marağı və rəğbəti ilə qarşılanmış, dönə-dönə nəşr edilmiş, dünya xalqlarının dillərinə tərcümə edilmişdir. Yazıçının lirik-psixoloji yaradıcı təxəyülünün məhsulu olan hekayələrə lakonizm, yüksək insanpərvərlik xasdır. Bu kitaba “Körpüsalanlar”,”Xan qızı Gülsənubərlə tarzən Sadıqcanın nağılı” povestləri və”Geriyə baxma qoca” romanı daxil edilmişdir.
	14. Azərbaycan xalq uşaq oyunlari./red. Ə.Quliyev.- B.: Çaşoğlu, 2008.- disk(CD-ROM).- 176səh. Bizdən çox-çox uzaq, sivilizasiyanin hələ indiki səviyyəyə çatmağı zamanlarda oyunlar uşaqlarin əsas əyləncə vasitəsi olmuşdur. İndiki zamanda , xüsusən texniki tərəqqinin bu qədər irəllənməsinə baxmayaraq, uşaqlar yenə də oyunları unutmur , onlarla yaşayır, özlərini həmin oyunların qəhrəmanlari sayırlar. Filologiya elimləri doktoru, əməkdar elm xadimi, folklorşünas Bəhlul Abdulla özünün topladıqlarindan və mənbələrdən seçdiklərindən 77 xalq uşaq oyununun işləyib nəşrə təqdim etmişdir. Kitab məktəbəqədər və məktəbyaşlı uşaqlar üçün nəzərdə tutulmuşdur.
	15. Drayzer Teodor. Kerri baci. Roman. ./red. Ə.Quliyev, tərc.C.Bağır.- B.: Çaşoğlu, 2009.- disk (CD-ROM).- 472səh. Dünya şöhrətli yaziçi və içtimai xadim, amerkan ədəbiyyatında realizimin ən görkəmli nümayəndələrindən biri sayılan Teodor Drazerin bestsellerə çevrilən”Kerri bacı” romaninda qadin xoşbəxtliyinə aparan yolun təmiz və şərəfli, bu yolla gedənin isə ləyaqətli, namuslu, günahsiz olduğunu vəsf edən Amerika həyat tərzi, sadə insanlarin mənəviyyatını pozan, onların saf, bakirə əxlaqına təcavüz edən burjua  cəmiyyətin ciidi tənqid edilmişdir. “Kerri bacı” romani insan pisixologiyası və cəmiyyətin təzadları baxımından olduqca maraqlı bir əsərdir.
	16. Vern Jüll. İyirmi min lye su altında. Roman./red. Ə.Quliyev, tərc.M.Təhmasib (I hissə), M.Mustafayev (II hissə).- B.: Çaşoğlu, 2004.- disk(CD-ROM).- 360səh. Dünya şöhrətli fransız yazıçısı ,elmi-fantastik roman janrının yaradıcılarından biri sayılan Jül Vernin ” İyirmi min lye su altında” romanındakı qəhramanlar-sualtı dünyanın sirlərini açmağa cəhd göstərən təmənnasız alimlər, milli zülm və müstəmləkəçiliyə qarşı etiraz edən hümanistlərdir. Elm və texnikanın naliyyətlərindən var-dövlət sahiblərinin xeyrinə istifadə olumasının əleyhinə çıxan bu insanlar Jül Vern elmi –romantik dillə, dolğun boyalarla təsvir edir.